ക്രിസ്തുമസ് കരോള്‍ ഗാനങ്ങള്‍

1.....യഹൂദിയായിലെ...

യഹൂദിയായിലെ ഒരുഗ്രാമത്തിൽ‍

ഒരുധനുമാസത്തിൻ‍ കുളിരുംരാവിൽ

രാപർത്തിരുന്നുരചപാലകർ‍

ദേവനാദംകേട്ടു ആമോദരായ്....

വർണ്ണരാജികൾ‍ വിടരുംവാനിൽ‍ 

വെള്ളിമേഘങ്ങൾ‍ ഒഴുകുംരാവിൽ‍ 

താരകാരാജകുമാരിയോടൊത്തന്നുതിങ്കൾകലപാടി ഗ്ലോറിയ..

അന്നുതിങ്കൾകലപാടി ഗ്ലോറിയ..

താരകം തന്നെ നോക്കീ ആട്ടിടയർ നടന്നു (2)

തേജസ്സു മുന്നിൽക്കണ്ടു അവർ‍ ബേതലേം തന്നിൽ‍ വന്നു(2)

രാജാധിരാജന്‍റെ പൊൻതിരുമേനി (2)

അവർ‍ കാലിത്തൊഴുത്തിൽ‍ കണ്ടു                           (വർണ്ണരാജികൾ‍ വിടരും..)

മന്നവർ‍ മൂവരും ദാവീദിൻ‍ സുതനേ.. (2)

കണ്ടുവണങ്ങിടുവാൻ‍ അവർ‍ കാഴ്ചയുമായ് വന്നു (2)

ദേവാദി ദേവന്‍റെ തിരുസന്നിധിയിൽ‍ (2)

അവർ‍ കാഴ്ചകൾ‍ വച്ചുവണങ്ങി

(യെഹൂദിയായിലേ...)       (വർണ്ണരാജികൾ..)

2..... ചിത്രവര്‍ണ്ണ നക്ഷത്രങ്ങള്‍...

ചിത്രവര്‍ണ്ണ നക്ഷത്രങ്ങള്‍ കൈകളിലേന്തി

സ്വപ്നമുക്ത ഗാനങ്ങളും പാടിക്കൊണ്ട്

മഞ്ഞുപെയ്യും രാവില്‍ ഞങ്ങള്‍ അണിനിരന്നു

ലോക രക്ഷകന്‍റെ ഗാനം പാടിടുന്നു

ലോക രക്ഷകന്‍റെ ഗാനം പാടിടുന്നു

താരകങ്ങള്‍ വിലസുന്ന കുടക്കീഴില്‍ വച്ചു ഞങ്ങiള്‍

ആദരവിiല്‍ രക്ഷകനു സ്തുതി പാടി

പൊന്നുമൂരുകുന്തുരുക്കം ധൂപം ചാര്‍ത്തി

പൊന്നുമൂരുകുന്തുരുക്കം ധൂപം ചാര്‍ത്തി

കനിയുക നാഥാ നീ കൃപചൊരിയൂ...കൃപചൊരിയൂ

(ചിത്രവര്‍ണ്ണ...)ലോകരുടെ ദിവ്യനായ നായകനെ കാണ്മാന്‍

ആട്ടിടയര്‍ കൂട്ടത്തോടെ ഓടിയെത്തി

സ്തോത്രം ചൊല്ലി ആദരിച്ചു പഴമകള്‍ ചൊല്ലി

സ്തോത്രം ചൊല്ലി ആദരിച്ചു പഴമകള്‍ ചൊല്ലി

മംഗളങ്ങള്‍ ചൊല്ലി അവര്‍ പിരിഞ്ഞുപോയി...പിരിഞ്ഞുപോയി

(ചിത്രവര്‍ണ്ണ...

3.....പാടാം ഈ രാവിൽ...

പാടാം ഈ രാവിൽ ഇനിയൊന്നായ് ഗ്ലോറിയാ.....

നിറയും മനമോടെ തിരുനാമം പാടിടാം(2)

മഞ്ഞണിഞ്ഞൊരീരാ-വിൽ മഹിതലമുറങ്ങുമീരാ-വിൽ

താരവൃന്ദങ്ങൾപോ-ലും സ്തുതിമീട്ടിടുന്നൊരീരാ-വിൽ

വരവായ് ജന്മസുകൃതമായ് മഹിതൻ അധിപതിയായ്

തിരുസുതൻ ജാതനായ്....തിരുസുതൻ ജാതനായ്

(പാടാം...)

തമസ്സിലലയുന്നമാനസങ്ങളിൽ കിരണമായവൻവന്നൂ...

അരുണകിരണമാ-യന്നുമിന്നുമവൻ കരുണചൊരിയുവാൻവന്നൂ

പുതുയുഗപ്പിറവിയായ് പുതുപുലരിതൻശോഭയായ്(2)

(വരവായ്...)

തിരുസുതന്‍റെ തിരുമേനികാണുവാൻ വാനവൃന്ദംനിരന്നു

ദേവസൂനുവിൻദർശനംതേടി ഇടയരും വന്നുചേർന്നു

താളമേളങ്ങളോടെ നാമൊന്നായ് ചേർന്നുപാടാം(2)

                           (വരവായ്...)

4.....ഇന്നുരാവിൽ കുഞ്ഞാറ്റകിളികളും...

ഇന്നുരാവിൽ കുഞ്ഞാറ്റകിളികളും കാട്ടുപൂവും  കഥപാടുന്നേ (2)

താരാപദം.....താരാപദം താലോലിക്കാൻ നാഥനേ

മാലാഖമാർ വരവേൽക്കുന്നു (2)    (ഇന്നുരാവിൽ)

ഈ നല്ല രാത്രിയിൽ ഈ യാമത്തിൽ

ഈറനാം മേഘങ്ങൾ കൈകോർക്കുമ്പോൾ (2)

ബേതിലേം എന്നൊരു പുൽക്കൂട്ടിലിൽ

രാജാധിരാജൻ അവതരിച്ചു

കുഞ്ഞാടുകൾ...........

കുഞ്ഞാടുകൾ കൂത്താടുന്നുനാഥനേ

കുഞ്ഞിളം കുഞ്ഞിക്കാ-റ്റീണo പാടി (2)    (ഇന്നുരാവിൽ)

പൂത്തിങ്കൾ പൂമാല ഏകുന്നിതാ

പൂവായപൂവെല്ലാം പൂക്കുന്നിതാ

ഈ രാത്രി വെണ്മേഖം ചാഞ്ചാടുമ്പോൾ

ഇളംകാറ്റിൽ കിങ്ങിങ്ങി ആടുംപോലെ...

താരാപദം.....

താരാപദം വരവേൽക്കുന്നു നാഥനേ

മാലാഖമാർ വണങ്ങീടുന്നു 

         (ഇന്നുരാവിൽ)(2)  താരാപദം....

5..... മിന്നാമിന്നിപോലെ...

മിന്നാമിന്നിപോലെ മിന്നിത്താരമെങ്ങും

കണ്ണീരിന്‍റെ മണ്ണിൽ മന്നാപെയ്തുവല്ലോ

(മിന്നാമിന്നി)

ആഹാ.....ഉന്നതനെ വാഴ്ത്തീടാം ഉച്ചസ്വരത്തോടെ

ഓഹോ.....ഭിന്നതയാം ചങ്ങലകൾ പൊട്ടിനുറുങ്ങട്ടെ

ആഹാ....)

മിന്നിത്താരമെങ്ങും മിന്നാമിന്നിപോലെ

മന്നാപെയ്തുവല്ലോ കണ്ണീരിന്‍റെ മണ്ണിൽ...

ഇമ്മാനുവേലിന്‍റെ സ്നേഹം തേടുമ്പോൾ

സമ്മാനം നേടുന്നു മണ്ണിൽ എല്ലാരും

കണ്ണോടുകണ്ണായി കാണാം നാമത്തെ

പുണ്യാഹം പോലെന്നും ഉള്ളിൽകാത്തീടാം...

എങ്ങും ക്രിസ്മസിൻ ആനന്ദം പൂന്തിങ്ങളായ്

എന്‍റെ കരളിന്‍റെ ഇരുൾമാറ്റി ഉണർവേകീടും(2)

മിന്നാമിന്നി...)

6..... ഇന്നിതാ വിൺസുതൻ...

ഇന്നിതാ വിൺസുതൻ ജാതനായി...

കന്യാമേരിതൻ കണ്മണിയായി...(2)

ഉന്നതവീഥിയിലധിമഹത്വം

മന്നിതിൽ മാനവർക്കതിസന്തോഷം(2)

ഭൂവതിൽ വാണിടും മർത്യരാകേ

ശാന്തി സൗഭാഗ്യങ്ങൾ എന്നും എന്നും....

(ഇന്നിതാ...)

ചെമ്പകപ്പൂമര കൊമ്പുകളിൽ

അമ്പിളിക്കലനല്ലൊരൂഞ്ഞാലുകെട്ടി...(2)

ഇമ്പമായ് പാട്ടുകൾ മൂളിമൂളി

മന്ദമാരുതൻ ഊഞ്ഞാലിലാടി.......

(ഇന്നിതാ...)

7..... ബേതിലഹേം പുൽക്കുടിലിൽ...

ബേതിലഹേം പുൽക്കുടിലിൽ

അന്നുപാതിരാവായപ്പോൾ

ദേവസുന്ദരൻ ഇമ്മാനുവേൽ

നാരിനന്ദിനി സൂനുവായ് (2)

ജീവമര ചോട്ടിൽവച്ച്

ആദം ആ കനി തിന്നപ്പോൾ

ആദിപാപം പോക്കിടുവാൻ

പാരിൽ വന്നൊരു ദേവനേ (2)

     (ബേതിലഹേം.....)

ആട്ടിടയർ കാനനത്തിൽ

ദൂതസ്വരം കേട്ടപ്പോൾ

ആടുവിട്ടു കാടുവിട്ടു

തേടിവന്നൊരു ദേവനേ...(2)(ബേതിലഹേം....)

8.....പാടീടാം പാടീടാം...

പാടീടാം പാടീടാം...കർത്താവിൻ തിരുനാമം

മ്ശിഹാ കർത്താവിൻ തിരുനാമം...

പാതിരാരാവതിൽ ബേത്ലഹേമിൽ

പാരിന്‍റെ രക്ഷകൻ പിറന്നുവല്ലോ....   (2)

പാപങ്ങൾ തീർക്കാൻ - യേശുമഹേശൻ

കാലിത്തൊഴുത്തിൽ പിറന്നുവല്ലോ...

ഇന്ന് കാലിത്തൊഴുത്തിൽ പിറന്നുവല്ലോ..

.(പാടീടാം...)

എല്ലാരും വന്നീടും സുദിനമായി

ഹല്ലേലുയ് പാടുവിൻ ഉല്ലാസമായ്...(2)

അല്ലലകറ്റാൻ യേശുമഹേശൻ

കാലിത്തൊഴുത്തിൽ പിറന്നുവല്ലോ..

ഇന്ന് കാലിത്തൊഴുത്തിൽ പിറന്നുവല്ലോ....       (പാടീടാം..)

9..... രാജാവിൻ‍ രാജാവെഴുന്നള്ളുന്നു...

രാജാവിൻ രാജാവെഴുന്നള്ളുന്നു

ദേവന്‍റെ ദേവൻ എഴുന്നള്ളുന്നു

മലർവീഥിയൊരുക്കി മാലാഖമാർ

പുൽമെത്തവിരിച്ചു ഇടയന്മാർ

ഹാലേലൂയ്യാ.......(3)

ഹാ...ലേ...ലൂയ്യാ.....   (രാജാവിൻ .....)(ഹാലേലുയ്യ...)

കന്യാമറിയത്തിൻ‍ പുണ്യപുത്രൻ

കൈവല്യരൂപനായ് അവതരിച്ചു.....(2)

കാലിത്തൊഴുത്തിലേ കൂരിരുട്ടിൽ

കാലത്തിൻ‍ സ്വപ്നം തിളങ്ങിയല്ലോ...(2).....

(രാജാവിൻ...)   (ഹാലേലൂയ്യ...)

കിഴക്കുനിന്നെത്തിയ രാജാക്കന്മാർ

കുഞ്ഞിളം പാദങ്ങൾ തൊഴുതുനിന്നു....(2)

കുന്തിരിക്കം കാഴ്ച കൊണ്ടുവന്നു

മീറയും സ്വർണ്ണവും കൊണ്ടുവന്നു...(2)....

(രാജാവിൻ...) (ഹാലെലൂയ്യ...)  }  (2)

10..... ശാന്തരാത്രി തിരുരാത്രി...

ശാന്തരാത്രി തിരുരാത്രി

പുൽക്കുടിലിൽ പൂത്തൊരുരാത്രി

വിണ്ണിലെതാരക ദൂതരിറങ്ങിയ

മണ്ണിൻ സമാധാനരാത്രി

ഉണ്ണിപിറന്നൂ.......ഉണ്ണിയേശുപിറന്നൂ……

ഉണ്ണിപിറന്നൂ ഉണ്ണിയേശുപിറന്നൂ (2) (ശാന്ത..)

              

ദാവീദിൻ പട്ടണംപോലെ

പാതകൾ നമ്മളലങ്കരിച്ചൂ (2)

വീഞ്ഞുപകരുന്ന മഞ്ഞിൽ മുങ്ങീ

വീണ്ടും മനസ്സുകൾ പാ-ടീ

ഉണ്ണിപിറന്നൂ.......ഉണ്ണിയേശുപിറന്നൂ……

ഉണ്ണിപിറന്നൂ ഉണ്ണിയേശുപിറന്നൂ (2) (ശാന്ത..)

കുന്തിരിക്കത്താ-ലെ-ഴു-തി

സന്ദേശഗീതത്തിൻ പൂവിടർത്തി (2)

ദൂരെനിന്നായിരം അഴകിൻ കൈകൾ

എങ്ങുമാശംസകൾ തൂ-കി

ഉണ്ണിപിറന്നൂ.......ഉണ്ണിയേശുപിറന്നൂ……

ഉണ്ണിപിറന്നൂ ഉണ്ണിയേശുപിറന്നൂ (2) (ശാന്ത..)

11.....ദൈവം പിറക്കുന്നു...

ദൈവം പിറക്കുന്നു...മനുഷ്യനായി ബേത്ലെഹേമിൽ‍

മഞ്ഞുപെയ്യുന്ന മലമടക്കിൽ‍..

ഹല്ലേലൂയാ..ഹലെലൂയാ (2)

മണ്ണിലും വിണ്ണിലും മന്ദഹാസംപെയ്യും

മധുരമനോഹര ഗാനം..

ഹല്ലേലൂയാ..ഹല്ലേലൂയാ..(2)

(ദൈവം പിറക്കുന്നു..)

പാതിരാവിൽ‍ മഞ്ഞേറ്റീറനായ്..

പാരിന്‍റെ നാഥൻ‍ പിറക്കുകയായ് (2)

പാടിയാർക്കൂ വീണമീട്ടൂ...

     ദൈവത്തിൻ‍ദാസരെ ഒന്നുചേരൂ (2)

(ദൈവംപിറക്കുന്നു..)

പകലോനു മുൻപേ പിതാവിന്‍റെ ഹൃത്തിലെ

ശ്രീയേകസൂനുവാ-മുദയസൂര്യൻ‍ (2)

പ്രാഭവപൂർണ്ണനായ് ഉയരുന്നിതാ

പ്രതാപമോടിന്നേശുനാഥൻ‍ (2)

                                  (ദൈവംപിറക്കുന്നു..)

12..... പുൽക്കുടിലിൽ...

പുൽക്കുടിലിൽ കൽതൊട്ടിലിൽ

മറിയത്തിൻ പൊൻമകനായ്...

പണ്ടൊരുനാൾ ദൈവസുതൻ

പിറന്നതിൻ ഓർമ്മദിനം...

(പുൽക്കുടിലിൽ)

ഒരുമണ്ണിലെ ഇടയiന്‍-മാരേ

പടുവിണ്ണിലെ മാലാഖകളേ

പാടും കമ്പിയും കിന്നരവും താളവുമായ്.....

(പുൽക്കുടിലിൽ)

16..... സം... സം... സംപ്രമായ്...

ക്ഷിപ്രം അക്ഷണം ദൂതരങ്ങാകാശത്തിൽ (2)

പാട്ടുകൾ പാടീടുന്നു ജയമോടെ (2)

ആട്ടിടയർ കൂട്ടവും താനേ (2)

കാട്ടിയ വെളിച്ചവും കണ്ടുടനുണർന്നു (2)

സം... സം... സംപ്രമായ്... സംഗമിക്കും തിങ്കളായ് (2)

നസറായൻ പശുക്കൂട്ടിൽ പിറന്നൊനേ (2)

തത്താ...മയിലുകൾ കുയിലുകൾ ആകാശത്തിൽ (2)

ഓർത്താടി പാടീടുന്നു ജയമോടെ (2)

പുത്തനായീ...തത്തകൾ സ്തുതിയേ (2)

പൂർത്തിയായികേട്ടതും അതിശയമേ (2)

(സം...സം...സംപ്രമായ്...)(2)

(നസറായൻ....)(2)

15......മര്‍ത്യന് രക്ഷ പകര്‍ന്നീടുവാന്‍.....

('രാജാവിന്‍  രാജാവെഴുന്നള്ളുന്നു...' എന്ന രീതി)

മര്‍ത്യനു രക്ഷ പകര്‍ന്നീടുവാൻ

ഗോശാലയില്‍ ദൈവം അവതരിച്ചു

താരാട്ടുപാടി മാലാഖമാര്‍

താരങ്ങള്‍ വാനില്‍ മിഴിതുറന്നു

വാനവ ദൂദര്‍ ഗ്ലോറിയ പാടി

രാജാധിരാജനെ വാഴ്ത്തി (മര്‍ത്യനു...)

രാപാര്‍ത്തിരുന്നോരചപാലകർ

ദേവസംഗീതം കേട്ടുണര്‍ന്നു (2)

കുഞ്ഞിളം ചുണ്ടില്‍ പുഞ്ചിരി തൂകി

പൊന്നുണ്ണിയെക്കണ്ടു പുൽതൊഴുത്തിൽ (2)

(വാനവ ദൂദര്‍...) (മര്‍ത്യനു...)

ദൂരെനിന്നും വന്ന ജ്ഞാനികള്‍ക്കായ്‌

നക്ഷത്രമുദിച്ചു വഴികാട്ടുവാന്‍ (2)

പൊന്നു മീറ കുന്തുരുക്കം

കാഴ്ച്ചകളേകി പൈതലിനായ് (2)

(വാനവ ദൂദര്‍...) (മര്‍ത്യനു...)

16..... യേശുരാജൻ പിറന്ന...

(‘പെന്തക്കോസ്തി നാളില്‍...’ എന്ന രീതി)

യേശുരാജൻ പിറന്ന വാര്‍ത്ത‍ കേട്ടു ഇടയൻ

ആമോദത്താൽ പാടി സ്തുതി ഗീതങ്ങള്‍ (2)

ഹല്ലെലുയ്യാ പാടാം സ്തുതി ഗീതം പാടാം

മഞ്ഞണിഞ്ഞ രാവില്‍ രക്ഷകനെ വാഴ്ത്താം (2)

      (യേശുരാജൻ...)

ലോകത്തിന്‍റെ രക്ഷക്കായ്‌

മന്നില്‍ ഇന്ന് ജാതനായ്

മറിയത്തിന്‍ മകനായ് പിറന്നുവല്ലോ (2)

      (ഹല്ലെലുയ്യാ പാടാം...(2))

                                   (യേശുരാജൻ...)

17.....മിന്നും മിന്നും രാവിൽ...

മിന്നും മിന്നും രാവിൽ

ആ പുൽക്കൂടിനുളളിൽ

ഉണ്ണിപിറന്നു ബേതലഹേമിൽ (2)

ശാസ്ത്രിമാർ വന്നു ഉണ്ണിയെ കണ്ടു

കാഴ്ചകളേകി താണുവണങ്ങി (2)

മീറകളേന്തി ആ പുത്രനെ വാഴ്ത്തി

ഇടയൻമാർ പാടീ ദൈവദൂദരും പാടീ (2)

മിന്നും മിന്നും… (1)     

കാലിതൻ കൂട്ടിൽ ആ പുൽകൂടിനുള്ളിൽ

ഉണ്ണിപിറന്നു ഹാ.. എന്തൊരാനന്ദം (2)

മറിയത്തിൻ പുത്രൻ ലോകരക്ഷകൻ

എൻപ്രിയനല്ലേ ദൈവത്തിൻസൂനു (2)

മിന്നും മിന്നും രാവിൽ (2)

ഉണ്ണിപിറന്നു.... ബേതലഹേമിൽ...

15..... പാരിൽനാഥനു...

(''നരൻ' എന്ന ചിത്രത്തിലെ ''ശൂരം പടയുടെ' എന്ന രീതി)

പാരിൽ നാഥനുഭൂമിയതിന്നു നന്മയതേകി ചൊല്ലാം

വിണ്ണിൻ നാഥൻ ചെയ്തവയാമൊരു നന്മയതെന്നും ഓർക്കാം (2)

ഇനി സുവിശേഷത്തിൻ നാളുകളാമിതു സന്തോഷത്തിൻ നാളുകളാമിതു

നന്മകളെന്നും ചൊല്ലുകനാവിൽ നന്ദിയതാൽ സ്തുതിഗീതം പാടിടാം...

വിണ്ണിന്‍റെ നാഥനു ഹല്ലേലുയ്യാ....ഹോയ്

ഭൂവിന്‍റെ നാഥനു ഹല്ലേലുയ്യാ.......(2)

(പാരിൽ.....)(2)

(ഇനി.......)

(വിണ്ണിന്‍റെ......)(2)

അവൻ ഭൂമിയിൽവന്നുപിറന്നു.....അന്നേരമതത്ഭുതമായി

മേലേവിണ്ണിൽ...നവതാരം പൊങ്ങി

ഈ ധരണിയിൽ അന്നവനേകി... സ്നേഹത്തിൻ വചനങ്ങൾ

സ്നേഹമതേകാൻ...ഭൂവിൽ ശാന്തിയതേകാൻ

സ്വർഗ്ഗത്തിൻ നാഥനായേശുമഹേശന്...നന്ദിയതേകീടാം...ഹോയ്

ഹല്ലേലുയ്യാ ഗ്ലോറിയാ....

ഹല്ലേലുയ്യാ ഹല്ലേലുയ്യാ....ഹോയ്

ഹല്ലേലുയ്യാ ഗ്ലോറിയാ....

(പാരിൽ....)(2)

(ഇനി സുവിശേഷത്തിൻ...)

(വിണ്ണിന്‍റെ.......)(3)

17) ബേതലേം പുരിയിലായ്

ബേതലേം പുരിയിലായ് വന്നു പിറന്നോരുണ്ണിയേശു

ലോക പാപം നീക്കുവാനായി പാരിതിൽ മനുജനായ്

വന്നല്ലോ ഈ രാവിൽ നാഥൻ

മറിയത്തിൻ മകനായി മണ്ണിൽ (2)

 പോയിടാം കൂട്ടരേ സ്വർലോക നാഥന്റെ

 ജനനത്തെ ലോകമെങ്ങും ഘോഷിച്ചീടാം (2)

തപ്പുതാള മേളമോടെ ഒത്തുച്ചേർന്നു പാടിടാം

സ്വർഗ്ഗ നാഥൻ ഭൂവിൽ വന്ന സുദിനം

ആർത്തുപാടി ഘോഷിച്ചിടാം… ഇന്ന്

ആർത്തുപാടി ഘോഷിച്ചിടാം (2)

 രാജാധി രാജാവാം ശ്രീയേശു നാഥന്റെ

 തൃപ്പാദം കുമ്പിട്ടീടാം (2)

 ആമോദരായിന്നു ആനന്ദ ഗീതികളാൽ

 സാമ്മോദം വാഴ്ത്തിപ്പാടാം (2) (പോയിടാം കൂട്ടരേ…) 

(തപ്പുതാള…) (2)

അജപാലകരെല്ലാം ആഹ്ലാദത്താലിന്നു

നാഥനെ സ്തുതിച്ചിടുന്നു (2)

ശാസ്ത്രിമാർ മൂവരും കാഴ്ചകൾ അർപ്പിച്ച്

രാജനെ വന്നിക്കുന്നു (2) (പോയിടാം കൂട്ടരേ…) (2)

(തപ്പുതാള…) (2) (ആർത്തുപാടി..)

18) ഒരു മധുര സ്വരത്താൽ…

(തേജാ ഭായ് & ഫാമിലി എന്ന ചിത്രത്തിലെ 'ഒരു മധുരക്കിനാവിൻ…' എന്ന രീതി)

ഒരു മധുര സ്വരത്താൽ മഹിമയിൽ നാഥനെ പാടി പുകഴ്ത്തീടാം

ഇന്നീശത്തനുജൻ ജാതനതായ് നമുക്കാ…യി ബെത്ലഹേമിൽ 

പ്രിയരേ…ബെത്ലഹേമിൽ (2) 

രജനി തഴുകും മലമേട്ടിലെ

കുളിരിലലയും അജപാലകർ

ശ്രുതി മധുരം ശ്രവിച്ചിടുന്നു

ദൂതർ ചൊന്നോരിമ്പസ്വരം…ഏറ്റവർ പാടി

പാപം പോക്കീടാൻ ശാപം നീക്കേടാൻ വന്നു ദൈ…വം ബെത്ലഹേമിൽ

പിറന്നൂ…. ബെത്ലഹേമിൽ (ഒരു മധുര…)

അധര സ്തുതികളുയരുന്നിതാ 

അരചസുതനെ വരവേൽക്കുവാൻ

തലമുറകൾ തൻ കടങ്ങൾ വീട്ടുവാനായി വന്നണഞ്ഞു

കന്നിതൻ മകനായ്

എന്തൊരാനന്ദം എന്തു സന്തോഷം

വന്നു ദൈ…വം ബെത്ലഹേമിൽ

പിറന്നൂ…. ബെത്ലഹേമിൽ (ഒരു മധുര…)

19) കണ്ണും കണ്ണും...

കണ്ണും കണ്ണും കാത്തിരുന്നു

മണ്ണിലൊരു പൈതലിനായ്

കാതോട് കാതോരം കേട്ടിരുന്നു

ദൈവപുത്രൻ പിറക്കുമെന്ന് (2) (കണ്ണും കണ്ണും…)

ആകാശ വീഥിയിൽ മാലാഖാമാരവർ

സ്നേഹത്തിൻ നിറകുടമായ്

താരാട്ടു പാടി ഉറക്കിടുവാനായി

മനതാരിൽ നിനച്ചിരുന്നു (2)

     ഇത്ര നല്ല സ്നേഹത്തെ തന്ന നല്ല നാഥനെ

     മെല്ലെ രാവിൽ പാടി സ്തുതിക്കാം (2) (കണ്ണും കണ്ണും…)

ജീവന്റെ പാതയിൽ കാരുണ്യകനവായ്

കരുണാർദ്രൻ അലിഞ്ഞദിനം

ആലോലംമാട്ടി ലാളിച്ചീടുവാനായ് 

കൃപയിൽ നിറഞ്ഞിരുന്നു (2)

     ഇത്ര നല്ല സ്നേഹത്തെ തന്ന നല്ല നാഥനെ

     മെല്ലെ രാവിൽ പാടി സ്തുതിക്കാം (2) (കണ്ണും കണ്ണും…)

22) മുത്തേ മുത്തേ…

മുത്തേ മുത്തേ മുത്തേ മുത്തേ പൊന്നോമനേ

നിന്നെ കാണാൻ കൊതിച്ചൊരു നാളിൽ

മഞ്ഞു പെയ്യുന്ന താഴ്.വരയിൽ

ഒരു ജീവന്റെ കളിയാട്ടമായ്

    മുത്തേ മുത്തേ ചക്കര മുത്തേ(2) മുത്തേ മുത്തേ…

ദൂരെ ദൂരെ നിന്നും താരകങ്ങൾ പാടി

രാജാധി രാജാവിവൻ

സ്നേഹത്തിൻ തൂലിക മന്നിൽ ചലിപ്പിച്ച

ദൈവാധിദൈവമിവൻ (2)

     മണ്ണിൽ, സ്നേഹം എന്നും, വാരി ചൊരിഞ്ഞിടും

    സ്വർഗ്ഗീയ നായകനായ് (2)

മുത്തേ മുത്തേ ചക്കര മുത്തേ(2) മുത്തേ മുത്തേ….

താഴെ ഇന്നു മന്നിൽ മാലോകരെല്ലാം

അലിവേറും നാ-ഥനായ്

കൈത്താളമോടെ വൈക്കോലുകൊണ്ടൊരു

പുൽക്കൂട് പണിതിരുന്നു (2)

     സ്വർണ്ണ, വർണ്ണം ഏറും, പുൽക്കൂട്ടിൽ വാഴുന്ന

     ഉലകിന്റെ അധിപതിയെ (2)

മുത്തേ മുത്തേ ചക്കര മുത്തേ(2) മുത്തേ മുത്തേ…

മുത്തേ മുത്തേ ചക്കര മുത്തേ(2)

20) ഗബ്രിയേലിന്റെ…

ഗബ്രിയേലിന്റെ ദര്‍ശനസാഫല്യമായ്..

സർവ്വലോകർക്കും നന്മയേകും കാരുണ്യമായ്

ബെത്‌ലഹേമിന്റെ മാറിലൊരാരോമൽ ഉണ്ണി പിറന്നല്ലോ (2)

വിണ്ണിൽ താരകൾ പുഞ്ചിരി തൂകി

മണ്ണിൽ ഗ്ലോറിയ നാദങ്ങൾ പാടി (2)

അവൻ പള്ളിക്കച്ച അണിഞ്ഞിട്ട് കണ്ണുംചിമ്മി തുറന്നിട്ട്

കുഞ്ഞിക്കാലിട്ടടിക്കുകയായ് ..

എന്നും ആഘോഷം ഉണരുകയായ് (2)

  

രാജാധിരാജനേ എന്റെ മാർഗ്ഗദീപമേ

എൻ ജീവധാരയിൽ ചൈതന്യമാകണേ

ഉൾക്കൂട്ടിലെ പുൽപ്പായയിൽ

കനിവായ് വാഴണേ… (ഗബ്രിയേലിന്റെ…) (2)

വിണ്ണിൽ താരകൾ പുഞ്ചിരി തൂകി

മണ്ണിൽ ഗ്ലോറിയ നാദങ്ങൾ പാടി (2)

അവൻ പള്ളിക്കച്ച അണിഞ്ഞിട്ട് കണ്ണുംചിമ്മി തുറന്നിട്ട്

കുഞ്ഞിക്കാലിട്ടടിക്കുകയായ് ..

എന്നും ആഘോഷം ഉണരുകയായ് (2)

(രാജാധിരാജനേ…)

21....പള്ളി മേടയിൽ...

പള്ളി മേടയിൽ മെല്ലെ മണികള്‍ മുഴങ്ങി

മാലോകര്‍ ആന്ദമോടുണർന്നിതാ

നക്ഷത്രം തൂക്കിയും തോരണങ്ങൾ ചാർത്തിയും

പൂത്തിരികൾ കത്തിച്ചും പൂമരങ്ങൾ ഒരുക്കിയും

നാഥനെ വരവേറ്റിടും (2)

അങ്ങകലെ ആകാശത്തിൽ

നവതാരം മെല്ലെ ഉദിച്ചു

താരങ്ങൾ മിന്നി തെളിഞ്ഞു

സ്തുതിഗീതം പാടി നിന്നു (2)

മഞ്ഞുപെയ്യും താഴ്.വരെ ദേവദാരു പൂത്തതും

മറിയത്തിന്‍ മകനാലല്ലോ

ഈ സ്നേഹത്തിന്‍ തിരിയാലല്ലോ

ലാ ലാലാലാ ലാലാലാ ലാലാലലലാ (2)

(പള്ളി മേടയിൽ…)

ഇങ്ങു താഴെ ആട്ടിടയർ

അശരീരി നാദം ശ്രവിച്ചു

ആമോദരായി നിന്ന്

ദൈവത്തെ പാടി സ്തുതിച്ചു (2)

മഞ്ഞുപെയ്യും താഴ്.വരെ ദേവദാരു പൂത്തതും

മറിയത്തിന്‍ മകനാലല്ലോ

ഈ സ്നേഹത്തിന്‍ തിരിയാലല്ലോ

ലാ ലാലാലാ ലാലാലാ ലാലാലലലാ (2)

(പള്ളി മേടയിൽ…)

ആ ആആആ ആആആ ആആഅഅ (4)

ലാ ലാലാലാ ലാലാലാ ലാലാലലലാ (2)

More songs will be updated later...